Ro danglam zet tan aw nufa
Britian ramah nu pakhat in a sul cu a fanu hnenah ro ah a tan ding ruangah leitlun ih thil um dah lo naupainak sul hlu hmaisa bik a si ding thu theih a si.
Kum 25 mi Sara cu a suah thlak ihsin naupai thei lo natnak a neih ruangah a nu kum 56 mi Evara in a sul cu a fanu hnenih bunsak dingin sii bawi pawl cun timtuahnak an nei rero zo.
Sara in a mai suahnak sul rori cu fa neihnakah tluangten a hmang thei a siah cun leitlun ih hmaisa bik record khal a ngah cih ding. Evara khal in “Ka fapa khal in ka ruahnak i tawmpi ve, a lungkim ko”, tiah a sim.
Sara in Mayer Rokitan sky Kuster Hauser timi natnak a nei ih cui natcu fa nei theilonak phunkhat a si. Sii bawi pawl in Evara ih sul cu nazi pali sung an buaipit a tul ding. Evara ih sul cu Sara ih taksa sungah bunsal a si hnuah kum khat sung sii le vai thawn kil awk ding a si.
Asinan nau nei thei din hmun a si hmanah pum khui ih nau neih a tul ding ih nau dang pai duh nawn lo a sile sul cu hlawn cih ding a si thu theih a si