Nupa pakhat khal hi an nei aw trei lo khawp i,photo an zuk mi a suah hlan ah an then aw al maw le..........
CAPOH
Khua a daihlaitak… Zuri pa cu khualak a vahtoihnak zinsak ah a it cih…
a khua siktuk ih a lu cu a khuk karlak ah automatic in a hrolh aw…
Zinglam kim cun …
Jordan Tiva ah kedan hlo an ha
Zaan 9:00 pm hrawng….
District Centre kiang Jordan tiva tiih kan phuahmi hi
khawsung ih an hmanmi tisia pawl luannak tivate a si…
zinglam hi tidai a lian ttheu ih zaan cun a mal saal ….
Sakawng… (Capoh)
Zu pham ngai ngai pawl thu an rel khawm cel cel…..
An ri tuk lawlaw……
An thu rel mi cu…..sakawng timi asi…..sa kawng an ti rero…..
Pitar nu pakhat cun inn sung in an rel mi sakawng timi a rak thei ve…pitar nu cu a hna set tuk ruangah, Thangkawng timi ah a ruat…rinloah Pitar nu cun, “Kei tla ka duhve” a ti vukvi mai…
Zuri pawl an au ciamam….an hnihsan…a theithiamlo ti an thei tuk…
Pitar nu khal mangbang in a hni ve nasa….
Neita deuh ah a theithiam…..
Pitar nu cun hitin a sim hai…..
Ngai uh mi aa pawl…
Saakawng timi cu rawl ei ding thaw um lo caan, simboong hang le ngapih ei caan ah tuah uh…
Sa ei caan le nan tuah ciam co a ti…..
Pacang pa a bawngbi hmailam lawng ah ruah a sur
Fur caan a kim zawng May thla hrawng,
khawte pakhat ah pacang pa lo ihsin a tlunlam… a zun pah tuk …
” aa.. ziangkhal lole ruahpi ka lam pan in a sur ih a ciar thotho ding”
Ti’n a bawngbi ah ciar thlekthlek in a zun cu a thawh cih…
a cuih ruahpi le a hnen a thlenzik zawng ah a haan tariai…
By … J. Joker
Ka calender zoh ta he
Hniangte cu hna tuannak lo in bangzet in bawm phur phah thawn a ra thlung. A nu cu an kawtka zaute ah thiam a rak tah, a thiamtah buai laifang a si ngelcel. Hniangte cun “Ka nu rawl na rak suangzo maw?” a ti.
A nu cun “E! Hniangte ka buaituk lawlaw zianghman ka ruat man lo pi, na rilrawng tuk maw?” Hniangte cun “Aw ka nu ka rilrawng tukzo…
A nu cun “Cuti asile, rawlsuan a cut le cut lo kan calendar zoh ta he” a ti.
Capoh
Na voih maw si?
Tlangval fimtuk lemlo in fala pakhat a leng. Inn sung room te takah an pahnih ten anto. Tlangvalpa cun aduhdawtnak biathu pawl a vun hlan zik thlang. Asinan, fala nu in, voih thuu tuk, awnlo in a rak thawh ngah pang a rak si. Tlangval pa khal cun theithiam menloin “Na voih maw si?” tin a suh.
Fala nu a thin heng tuk, “Hi room te ngaingai ah kan pa hnih vial kan um, na voih lo le ka voih, suh awk a tul maw?” A ti ve mai.
Nga kan thliar pei?
Tlangvalpa in fala nu Mawite hnen ah hitin thu a sim. “Mawite, ka lo duhdawt tuk, ka thilo ih cufang so khaw, asinan, kei cu val dang pawl bangin ka lo duhdawtnak thu kalo hlan thiamlo. Asinan ka mitmeng ah in theithiam ko ding ka zum”! ( Mawite cun a ngai kerki).
Hitin a simsal “Mawite, ka lo duhdawtnak cu maw, a cem thei dahlo ding, tiva pakhat a luang rero vek a si” a ti. Mawite in thudang arak ruat ngahpang ih a tongmi a thei lo. Mawite cun “Cui tiva cu khawi nah a um, nga kan thliar pei?” a ti.
Hi…hi…Hnih caan
Hmatpungttin number zero le tu-ngiah!!!
Kawlram ralkap pawlin putar mibang lemlo cu hmatpungtin(ID) a kenlo ruangah an kai. Ralkap pawlin thawngthlak dingin an hringhro ciammam ruangah a lung phang tuk. Ralkap pawl cun na hmatpungtin number in sim aw an ti? Cathiam lemlo tiah a thei sun Mirang tong in “Zero…0..0..0…0, zero pali” a ti. Ralkap pawl cun cuvek a um kel lo thaten sim” an ti. Putar pa cun “Tu-ngiah-0…0…0…0, tu-ngiah pali” a ti.
==============================8============================
Capoh thianghlim siar in hni ve aw…?
*Hi a hnuai ih capoh kan ngan mi hi, zohhman kan tisan lo.
Zan lai pa tum ah breakfast ei
Khua pakhat ah putar pawl thu nuam an rel khawm. Leiltun ih milian bik pawl an rel. An lakih putar aa luar deuh cun, “Kei cu milian hmuah hmuah ahcun Bible ih Solomon si ka dawt duahdo mi cu, ziangah tile nupi 700 lenglo a nei, thuamhnaw aduhduh a hruk. A duhduh in a um. A kut hnuai pawl a duhduh tuah ter ding in a fial men. A nun a nuam daan cu zan lai pa tum ah tla breakfast a ei men” a ti.
A sim sual
Thu simtu pakhat cu a thurel a thaw tukih, a thusim mi a porh ngah deuh pang. “U le nau le uh, Joseph kha maw, paisa 100/- in so khaw an rak zuar a ti ngah pang. A kiang ih mipi tlar hmaisa lam khuang kiangih to cun “Aih! Sayapa cuvek Bible ah Joseph paisa 100/- an zuar tivek a um lopi” a hei ti. Thusimtu pa ningzak um ngaihnak theilo cun “Aw! Sum thleng a kai tuk ih cunah so khaw” a ti ve lawlaw mai.
HNIH CAAN
Once more
Lai pa cang hlasak thiam ti aw ve nawn cu, rinlopin raltlan si zarah USA ram nuam a thleng ve. A nauhak lai ihsin hlasak lam ih rak pe aw zet a si. Amah tawkten cun tawk ati aw ve nawn. Veikhat cu ruahlopin, a umnak vengah Concert a um. Hlasak paih nawn le phur nawn a sivekin, stage parih hlasak ve dingin a dil. A dilnak cu an siansak ih, a mirang hla theih sun mi te cu, thiam le thiamlo ten a sak, au kio ve ko…!!!
Mipi pawl cun “once more! Once more! Once more!” Tin an au ciamam…. a lungawi tuk a theitawk in a sak rero, mipi pawl cun “Once more” an ti thotho. Ti ngaihnak a thei nawnlo ih “Ziangah hi tluk ka sak hnu ah once more nan ti thotho” tin a sut. Mipi pawl cun “Na thiam lai hlan lo na sak ding” an ti.
A Biang no te
Fala le tlangval an duh awk tuk ah thizik ten an um. Asinan, an tawng aw thei dahlo ih phone in an be aw ringring. Ni khat cu, a ngaihzawngnu, Mawite cu a Sunday hruk ding thuamhnaw a nawt rero. Cu lai fangah, a tlangval pa in a rak phone. Thuamhnaw nawt lai leh Mobile awn cun a thinlung a tibuai tuk ih, a thil nawhnak meiling vam herher cu Mobile ah a ruat ih a hna ri, a biangno te ahcun a ret ih ..Hello….a ti theh cun a sam le a biang note kang cu arsa bang in a hmui vervo.
Night dress
Veikhat cu inn tek tei monu a ihkhun khaan ah lawngfangkheh rorin a um. A room ahcun a ninu rinlopin a lut ngah pang. An monu lawngte a um cu a hmu. A mangbang tuk, “Ziangah hitin na um” a ti?. An mo nu cun, “Night dress” a ti. Cu tete tin a ni nu cu lawngten a um ve, an pa a ra tlungih, an nu lawngte a um kha a hmu. An pa in “Ziangah lawngten na um a ti? “An mo nu thu cawngin, “Night dress” ati ve”. An pa cun, “Na night dress a sur thehzo ual” a ti.
Capoh
Thei zik zuak zo pei cu
Vansiatnak ruangah innsangpabik cu dai a ngah ih a hnarpit a luar kai. An nautabik a mangbang tukih “Ka pa hi, Khanglang a si hi, a rim na thei maw”? a ti. “Nute a rim ziangvek a siti ka theilo”a ti. A fapa upabik in, capoh in “Ka pa na hnarpit cu a va luarkai ve, sapherh phawm lo pe sehla a rim na thei thotho ding” a ti. A pa cun “Ka theilo ding” a ti lala. Innsang nubik a thinheng ih mengling vam a la ih an pai hnar a nawh vukvi ta riai. An nu cun “A rim na thei thlang maw” a ti. Pabik cun “Aw! Theizik zuakzo pei cu” a ti.
Kan lungawi tam kan tan lo
Putar pakhat cu a inn a suahsan zik zawngah a cawhnawi pe theu tu pai hrangah tin a inn sangkaa ah “ZOHMAN INN AH K AN UMLO ZIANGHMAN TAN HLAH” tin caphek ten a tar. Vansiatah ruruk pawlin an rak hmu ih a inn neitu a umlo ti an thei ih a thilri an ruksak theh zikte. “KAN LUNGAWI TUK TAM KAN TAN LO” tin a ca tarmi an bet sak.
A rial bek
Khawte pakhat cun an tlangval rinsan zetmi pakhat zualko ding in khua pakhat ah an fial. An rinvekin tongkam a rak thiamlo. Cui mithi tei inn a va thleng. A thei tawkin ziangtin ka hnem ding, tuar tuk lo dingin ziangtin ka sim ding timi reipi a ruah hnu ah hitin a sim. “Tui zingah nan fapa tidai khai dingih lamzin a tan laiah rinlopin mawtaw in a rial bek thlekthlek, Aih! Hmu ve uh la nan rap tuk ve ding” a ti.
Kum (30) ringring
Thu thentu pakhat in nupi nu pakhat thuthenak hmun, mipi hmai ah thusuhnak a nei. Ka pi, na kum, kum ziat a si ta”? “Ka kum cu kum (30) ringring pan teh e”. Thuthentu a manbang nawn, “Ka pi kan dung kum thum a liam cia ahkhan ka kum, kum (30) a si na ti zo ual”..? Pitar nu cun “Kei cu mi dang vekin tuisun ah thudang rel, thaisun ah a dang rel tivek pawl minung ka si ve lo”. A ti ve thung.
Va thi men aw
An khua ih an tlangval rinsan cu a si ve. Zantin an khua ih fala mawibik a lengve, a rualpi pawlin fala nui’h duh le duh lo an theilo. A len reituk ruangah an duh aw zo ah an ruat. Zan khat cu mithmai sia zetin a ra thlung, a rualpi pawl in “Rual ziangah na fala len mi thawn nan ti buai aw maw? A lo duh lo maw? “Duh lamlam lo, va thi men aw” in ti si.
"An Ti"
01) Thih ta tul lo-in damlai ah thlarau khawmpi a hman theih zo an ti.
02) Duhhrilnak cu ngaihtuah ruahnak dik hnuai-ih kunter ding a si an ti.
03) Tulai Evan pawl cu Bible vekin an tiih anmai’ duhdan in Pathian thu an sim an ti.
04) Mai umnak Kawhhran ih ngam tha theilo le ar a riahnak kel ih riak duh lo cu a tawp ah an hlo ta duh an ti.
05) Nunau khawlak len heh tuk le vokpi suak hmang tukin thil tha an tlun dah lo an ti.
06) Kum khat sungah kan riahsiat can ai-in kan hnih can a tam sawn an ti.
07) Mifim pawl cun an thinhengnak an langter lem lo an ti.
08) Ti thei nei lo pawl in zuk le hmawm cu an ti thei thotho an ti.
09) Tangka nei tam pawl cu a nei mal pawl ai cun an rual dawtnak a sang sawn an ti.
10) Thansoh le len duh cun tikcu(caan) le tangka (sum) hmandan thiam ding a si an ti.
11) Lai mi in zalun khat (1000000000000000000) one quintrillion thleng numbat (numbers) siar dan kan nei ve a si an ti.
12) Nunau cei-awk paih tuk pawl hi an fel in an thianghlim thluh cuang lo an ti.
13) Sawn pai hmuahhmuah hi an hur ruangah a si thluh cuang lo an ti.
14) Kawhhran ih buai ve lo pawl ih PATHIAN thu an sim len Kawhhran a buai thluh an ti.
15) Nu pakhat cu fate pali a neih hnu hmanah pasal neih a nuamnak a thei hrih lo an ti.
16) P.C.M Chin Synod pawl cu pakhat le pakhat PATHIAN thangthatnak hla an duhmi a bangaw thei loih an lung a rual thei lo an ti.
17) Tulai Pastor pawl cu vanram kai ai-in refugee ih ram dang feh an duhsawn an ti.
18) Tulai ih eihawlnak ih hlawkbikcu PATHIAN thu simih vahsuah hi a si an ti.
19) Leilung tlun ih ram fiak(fate) bik le ram nuam lo bik cu casiar dah lotu ih thinlung ram le ngaihtuahnak ram hi a si an ti.
20) Che (tthi) le hnalung (tthi) ruangih tlaksiat cu a tha lo ih Che le Hnalung ih len cu a pawi lo an ti.
21) “An Ti” timi hi a lun dan tawk thiam thlang ding an ti.
Uar Ruangah
"Hi nunau nu hi ziangruangah a duh na lo cing na pawngsual..?" Thuthentu pa cun misual pa cu a sut.
"A hmel ka uar ruangah" tiah misualpa cun a mit pahnih vorhlam kutih hup phahin a sim.
"Hi tlangval pa teh hi ziangruangah na pawngsual kherkher..?
"Ka uar ruangah a si" tiah misual pa cun a mit pahnih hup phah cun a rak sawn lala.
"Ziangruangah na kut thawn na mit hup phahin in sawn rero..?"
"Ka pu, nangmah khal ka lo uar ruangah".
Thuthup
Ralkap rawlsuangtupa kha thu an sut.
"Ka rual, himi ralkap paziat hrang rawl na suan sak theu?"
"Eee..., cucu ziangtin ka lo sim thei ding, ralkap thuthup a si ve ual..!"
"Pakan pawl kholh sal thluh ding cu a bang thlak zet ke ti aw"
"Bangthlak zet e, nangteh vun ruat ve hnik awla, nitin pakan 700 veihnih kholh ringring ding timi cu..!!"
Mero sah
A rualpa cun...
"Leitlun ah London khawpi cu mero sah bik tlaknak hmun an ti ual"
"Ahh..., cu thamtham a nasa lo tuk lai. Kei ka thlen ve nak khawpi pakhat tla cu London hnakin mero a sah deuh"
"Ziang khawpi maw..?"
"Ziangtin ka hminsin ding, mero a sah tuk ih hmuh hman a hmuh theih lo pi..!!"
Thlanrawn Pawng Rang
Voikhat cu Thlanrawn pa le Tlaisun pa Mizoram lamah thing at hlawh aw dingin an feh. Mizoram thing at pawl cu hramlak ah buukte neiin, an buuk ahcun suncaw an zawh ttheu. Nikhat cu suncaw an ei lai fang an buuk kiangah Thlanrawn Pawng Rang vate pawl an ra fu ih Thlanrawn pa cun a rualpa hnenah,
“Karual hi vate pawl hi ziangtin si nan kawh,” tiah a sut. A rual Tlaisun pa khal cun, “Thlanrawn Pawng Rang” kan ti, tiah a rak sawn. Tlaisun pa cun, “nang teh ziangtin nan ko tiah a sut ve. Cutikah Thlanrawn pa cun,
“Kan nih khal Tlaisun Pawng Rang” tiah kan ko a rak ti cu teh!!.
(Tlaisun pa in hman te'n a sim ko nan, Thlanrawn pa in a capo ah neih in tha te'n a sim duh nawn ta rial lo an ti).
Cuvek rel hlah
A nu cu duat takih va pom phahin...
"Ka nu, ka pa thawn nan pahnih in ziangtik hmanah ka lo tlansan dah lo ding ho khaw maw..."
"Ai-ka-rei...! cuti vekin mai nu le pa an ttihthaih kel lo ho khaw nute!!"
Hni duh hlah
Hmuanthlang kawl nupa tei naute kha a hrawng ngah ve pam a si ding. Ei ding pakhat tal a neih lo hi cun thi-fa-hnuk-cat zik te in a tap ciamco theu.
Tumkhat teh a ei ding neilo mangbang cun a kuttum a rak dolh ngah pang a si hmang...! Cat lo bang loin a tap ciamco ih, a nui ti ngaihnak theilo cun a tawkua in a dirhsuak sak fukfi an ti.
Nunau Fimnak mipa in neh lo!!!
Lamzinpi pakhatah mawtaw pahnih cu a accidentih, an mawtaw veve cu a siat viar! A pakhat sawn cu nunau ta a siih, a pakhat sawn cu mipa ta a si. An mawtaw a siat nan, vanthat thlak zetin a minung cu pakhat hman an tuahmawh aw lo.
An mawtaw ihsin an hung suakih, nunau sawn cun, "Alah! zoh hnik aw, kan mawtaw hi, a siat viar ual, nan vanthat thlak zetih, kan pahnih cun kan na lo. Himi hi khuanu in kan tawnawknak dingih a remruat a si ding" ti aw tiah a mipa cu a hei sim, mipa sawn cun vanthat lamlam tiah a lungkim.
Nunau cu a vun hawi kual ih, "Aih, hi zuu palang khal a kek uallo, kan lawm cih nak ding hrang khuanu remruat thotho a si hi" ti phah in a vun lak ih, mipa cu a pek. Mipa cun a rak laksak ih, a vun ongih, duhsah zetin a vun dawk ta. A theh cun nunau nu sawn cu a hei peih, nunau cun a rak la ih, a in cih. Mipa cun, "Aih, na in ve lo ding maw?" a hei tiih, nunau cun, "In hlah, palik pawl ka hngak sawn ding" a rak ti hleuhhli!!!
Ti hrim ve nakah!
"Na pasal thinheng in a lo suahsan an tiih a si ngai maw?"
"Si e, in ti hrim duh ruangah nupi dang pakhat hman a nei bet lailai sap bai"
"E heu, cuti cu na pasal thawn nan thenaw fel zo tinak maw si?"
"Ziangtin a ngah ding, kei khal le a mah ti hrim ve nakah nitin thuthangca sung ihsin keimah hi dan thianghlim ih a thit mi a nupi sur rori ka si tiah ka suah ve fam teh"!!
In hawl hmuh sak aw
Thinphang zet tu damlo pakhat cun Sibawi pai hnenah hitin a sim.
"Sibawipa, mizan ka mang ah hramlak ih um minung sa ei milai pawl vekah ka cang ih ka nupi thawn a bangaw zet mi nunau pakhat kha ka sungkhat milai sa ei pawl thawn a sa kan rak ei ciamco ho khaw"
"Zanmang timi cu a phunphun a um thei ko, mak ah ngai duh aw hlah"
"Cuti asile ka nupi hi tu khui ah a si pei?"
Thatho zet nan...
Ralkap tuan thar pa ih thinlung that le that lo theih duh ruangah ralkap sibawipa cun hitin a sut....
"Ralkap Pa Hnin, ralkap na luh hlanah zianglam na rak thlun theu...?"
Ziang pipa ngai cu thlun dah lem hlah e"
"Nunau pawl dung tla na rak thlun dah lo maw?"
"Thlun dah lo"
"Na tha a tho dah leem lo ti nak si maw?"
"Cuti cu si hlah e..."
"Si le, ziangah na rak thlun dah lo?"
"Kan nu-in in awih hlah khaw cunah!!"
Na pa a si ngai maw..?
Kumkhua rethei fialfial ih rak umin vanduai thlak zetih a thi tu an vui nakah a si. Pastor pa cun cu pai thatnak lawnglawng a sermon ciamco.
Cutikah mithi pa ih nupi cun a fanu te kiangah va fehin dim ten a va sim.
"Nute, thlankuang sung khi va zoh tha sal hnik, na pa a si ngai maw....?"
Nu a bang tu fapa!
A Nu: Tong zuamawk nakih a pakhatnak na ngah thu na sim tikah na pa in ziangtin a lo sawn?
A fapa: Aw.. aw..aw nang hi nikhat hnu nikhat na nu thawn nan bangaw deuh deuh ual", in ti.
Zia um deuh pangah
Veikhat cu a rualpa in Pa Thang kha thu a sut;
"Pa Thang, hih ...ziang ah so na nupi kuak fawh na kham lo. Nupi nu ih kuakfawh cu a mawi lo tuk so khaw?"
"A kuak fawh cu ka duh a si hrimhrimlo, a tong tam tuk mi a zia um deuh pangah ka tiih sokhaw" tiah a rak sawn.
Kan cem riai
Yangon khawpi sungah nupi nu pahnih an tawngaw. Pakhat sawn cun,
"Ka rual, kei cu kan pa Malaysia a feh nak kumkhat lai a rei zo nan sumpai fangkhat hman tu tiang in kuat thei hrih lo, tuluk fala bawngbi kaih tha paih lo, tawtek lang pawl thawn an thlun aw rero in ti tak, ka bei a dong tuk"
"Ai ha, nupi dang a lo neih san lo cu tawk deuh lai. Kei khal kan pa US a thlen nak kumthum lai a rei ve thlangih a fa sawn neih thup mi hmuahhmuah khal ko dingin a rawn phuangsuak aw thluh lo maw ziang ti tha, kan cem riai a si hi".
A dik mi rel aw
Mithi vui nak pakhatah a thi tu pa ih rualpa cun hitin a sim.
"Ka rualpa hi nonal zet le kum 30 lawng a si mi a nupi tan in mual in liam san a si hi"
Cui tongkam a rak thei ngah tu mithi pa ih nupi cun thin har zet le a tahnak mitthli aw thawn.. "Kum 28 ti aw le..!" tiah a rak sawn lohli.
Mo thar
Tlangval zuri pakhat cun zan tim hnuah nupi a rawn hruai tlung. A nui hnen ahcun,
"Ka nu, nupi ka rawn ru ho khaw thaizing le a hmel nan zoh leh ding"
tiah a nupi cu a khaan sungah a luh pi cih.
A thaizing khawvang veten Mothar hmel zoh dingah a nu cu lakphak thlum haikhat thawn phur zetin a fapa ih khaan ah a va feh.
Nupa tuak thar tei pahnih cu ihkhun parah an rak it lai. Tlangval pai nu cun an puan lukhuh mi ong phahin mothar hmel fiang ten a hun hmu ciah cuh...!!
"A-ze,...ka duh lo, U Thluai nangmah ho maw...hi hi hi" ti phahin a hmai a hup ih zamrang zetin innsung lamah a tlansuak sal lohli.
Hnihsuah capoh
Pa Piang…Saya pa kei cu pawl ka cer men ding.
Pastor pa.. Ziangah maw?
Pa Piang…..Kan kawhhran hi a tirah piantharnak kan do ciamco,tu
Aw kan do ciamco lala ih tha ka ti lo.
Pastor ……..Hngak hrihaw kei tla ka thinlung ten ka donawnlo nan ka
Kawhhranpi pawl ka hmaisawng tuk a rei nawn lo ding
Zah khal a zah thlak tuk mi’h hnihsuahnak men ah…
Pa Piang……Aa..Ka cer thotho ding?
Pastor pa……Ziangah maw?
Pa Piang……..Grape tla cabit ti tengteng ding kan ti ih Olive hmuah
Tanluan ti kan duh leh cuang si lo.
Pastor pa……Si ngai kan tongih neih thei kan tum vivo ding culo hmanah
Kawltong laklo thei tawk kan zuam ding, pawl cu cer siang
hram hlah.
Rualvah hnih te
Pa Thang…Ka rual suncaw hmeh ziang na keng?
Liante………Suncaw hman keng lo a hmeh lamlam?
Piangte…….Suncaw funin O le Aw phardawl nam cim dingin mino
Hmuah an pok theh si ziang tin saw?
Liante…….Suncaw fun tul lo suahkhel ah kan nam cim mai ding.
Bible Tlawngkai pakhat
An saya pawlin thuthlunghlun hmuahhmuah kumkhat sungah siar theh
ding an ti ih..
Sayapa…..Sangte na Bible siar na theh thlang maw?
Sangte…..Tulai cu tlarau lamah ka cak lo tukih ka bible siar khal a
Sawt thei lo Isarel pawl Kanan ram khal ka thlen pi thei lo
nelrawn ah ka vahvaih ter ringring lai a si hi.
India ramih Bible tlawngkai Pahnih
Thianpi…Karual kei cu kan laimi umlonak tlawngah kai ka duh.
Siangte…Ziangah, miring tongthiam na duh tuk maw?
Thianpi…Silo tlawngah ka thlarau thei silo a lengah ka thlarau si
Laimi ih hmuhlonak deuhah kai sawn sehla.
Thianpi….By the way kan ramih Evan tamtak hi Pathian thu an sim
Le Church Pastor vek an kawk ciamco ih khuivek tlawngah
Si an zir an va thiam awm ve?
Siangte….A tamsawn cu kan mai tlawngah le kan tlawngvek te Lanbi
Tlawng a si ih curuangah mi an thua hluahhlo men.
Thianpi….Pathian thu teh an thei ngai maw?
Siangte….Thiam …aw…aa….vekin an um.
Thianpi….Kanni pahnih teh ziang kan bang?
Siangte….Lairam kan thlen cun ti dredre in kan um kei kawhhran
Kan din ding.
Thianpi ….kan control awk thei silo tuisin miih hmuhlonak tlawngin
ah kan pahnihin ka kai tlang pei.
Pakhat pa thotho Bible tlawng a kai tum tangka a nei lo ih…
Bawipa by faith khal ka unau parah a thumaw ti na thei ih zamrang ten ka unau pawlih tangka in kuat theinak dingah an thinlung sungah hnatuan hramaw tin thla a cam.
Rualvahthum te
Pa Thang, Liante, Thianpi cu Falamih lakphak dawrah an to khawm,lakphak dawrneitu in nan khualtlawnnak hmunah khuitawk nuamnan ti bik? A pakhatnak ngah tu cu cini cuaikhat lawmmanah ka lo pe ding a ti.
Pa Thang…Buannel ram
Liante…….Rihli si bik mai
Thianpi ….Kan nui’tangnemte ih khual tlawn.
Intek lakphak dawrnei tu in Thianpi cu cini cuaikhat lawmmanah ih a pek mi cu khaiin innlamah a tlung,Thianpiih nupi cun U Thianpi tangka kenglo in ziangah cini na rak tlun? Aw tuisunah khualtlawnnak ramnuam relnakah pakhatnak ka ngahih a ti ih, an nui hnenah cun ramdang hmundang daih a sim.
A thaisunah an nupa in lakphak dawrah a va lengih Pa Thang le Liante le mitampi an rak um ih Thianpi nupi cun uarawk zetin mizansunih kan pai ramnuam timi kha kan neihawk hnuah voihnih lawng a tlawnglai hrih cuhman a tlawnsunah nuam a ti tukih a it that lan ta a ti.
capoh hnihsuak
1.Kala pawl cu an tamtukih
pakzai(solo ) hman hi mi panga panga in an sak khawm.
2.Kala pawl thotho an tamtukih an khaw senin pakhat khal hrelh lo in tlanghna tuan an suakih in lamah mi pathum an tang lai tho tho.
3. Pakhat pa in kala laam cu an thiamtuk ih a rual le a rual thei si mitampi an lam hi mipakhat lam hnak hman in a rual deuh sawn a ti.
4. Pakhat pa mino hruaitu in tanrual cu cahnak ti a rel ih Osama le Binladen tla lungrual ten an tangtlangih US pawlin an kai thei lo a ti.
5.Vaphai khua nuhmei nu cu Haikhawl ah a vai ih hitin thla a cam “Aw Lalpa Haikhawl mipi hmuahhmuah in Bawipa Bawipa an lo ti ih tu ni tiangin kei cunBawipa khal ka lo ti siang hrih lo LalPa ka lo ti hrih lai ih” a ti.
6.Pakhatpa a fapa zuri hnenah ka fapa zuri ringring aw hlah a ti.
A fapa ..Zu hi tha lo khal seh la ka bansan thei lo ding khuahlanih si kan laimi ih kan rak in ringring mi a si.O khal dik lo hmanseh kumza lai kan rak hmang zo ih,Curuangah O le Zu cu ka thlah thei hrimhrim lo. O le Zu cu kohhran hmanin zo hmanih tibuai lo ding in rel lam seh la ka duh a rak ti.
A pa….Kohhran ih rel ci ah maw na ruah..Umh ka fapa aatkhatin lo tlak seh la sentlungpawng na khik ding si hi..Nangthu lo sim cu sawtnak um lo London airport ih Tibur zuar ka bang a miat um lo, a sung lam lawnglawng a si hi a ti.
7.Khai zuri pa kha a lo fehnak in a ra tlungih a rilrawng lutuk in coka ah a lut cih.Thirbel a ongih hmehkio a hmu lo.Aw!! mirang fate ka si lo hi cu a poi tuk aw a ti..
Apa..Ka fapa nangmah lawngmaw mirang fate si duh na nu le pa khal mirang fa te si kan duhtuk ve ho khaw a ti.
8. Kha pa thotho a nu le pa lo an feh sungah rawl a rak ei ih a thupten siti an neihsun a rak cawmih cu zawngah a pa lo ih sin a thleng.
Apa..ziang ruangah kan siti neihsun na cawm?
Fapa..Nan ra tlung ding ti thei lo pi.
Ca poh hnih suak
1. Pakhat pa a zetukih a nu le pa in le an duat fawn.
A nu….ka fapa tui ni teh ziang tal na tuan thei kei maw?
Fa pa…Aw zinglam cu ka ketin ka zuah dingih simlam le ka calhmai sam
ka zuah ding, a ti ih tho lo in a it ring ring.
A pa….Ka fa pa cu maw kan ihkhun Driver si maw ti..
2. Kha pa tho tho kha
A nu le pa in an duat tuk ih a duh an zulh ring ring.
Veikhat cu cawlhni zing a si ih pa bikin sungkhawmnak nei ve seh la a tha ding a ti.
Nu bik……Cu ti si len Valte nang hla hon thlang aw le.
Fa pa ……Vai hla Tarzan mai Tarzan ti ka thlang.
A nu le pa…An el ding le a ngawl ding ti an phang si phur lo tak in an sungkua in Tarzan
Mai Tarzan ti cu an sak. Pa bikin base a sak ih a nu in a er ih tluang ten an
sak suak thei.
3. Kha pa tho tho
A nu le pa in mi tla a bang thei pangah tin Delhi ah an kuat ih, Delhi ah cun tuan lo len ei ding um si lo a rual pi pa cun……
Ka rual ….Tuisun cu hna kan va tuan kei cu.
Cu pa cun…Aih..Tuisun cu resettlement ka hngak ding a ti.
4.Kha pa tho tho
Tu USA ah a thleng zo ih hnatuan a paih cuang lo kan ram that ka hngak ding miram
ih mi hlawhfa ih hna tuan a har tuk aw a ti.
5. Nu pi tih tuk pa
Pakhat pa an nu a tih tuk ih veikhat cu a sung a dawkih, an nui hnenah
Pa bik……..“Nu bik khah ka ek ka va thawh ta duak ding ka reizik lo” a ti.
Nu bik…… Ekthawh le ek thawh ti lawnglawng” a rak ti.
Sangka kiangah cun suak ngam lo cun a ding ringringih a hngak thei
Nawn lo.
Pa bik……..Khur deuh phah cing ten, cu cu ka ek teh cu ka thawh ding maw thawh lo
ding saw, A ti.
6. Khualtlawng tlung
Pakhat pa khualtlawnnak in a ra tlungih a zan cu a bangtuk ih an nu khal ngaihsak
Thei lo cun zanvar ihthah thaw ten a it.
A thaizing ah intek nu bik cun a fa le te hnenah..
Nu bik….. Na pa va thanguh zamrang.
Fa le te…..Ka pa a bangtuk ding mizan lawng si a ra thlun.
Nu bik…..Na pa a bang lo zamrangin thang uh.
Fa le te…. A nu an tih ruangah an thang
A zan cu an it leh ih a bang tla a rak reh si ding,
nu bik thawn tla titi nuam an rel thei. A thaizingah
Fa le te…..Ka nu papa kan va thang ding.
Nu bik……Hei hei va thanghlahuh, na pa a bang tuk.
Fa le te…..Zan hmaisa hmuah bang lo na ti si tu le a bang tuk na ti si ti
an thilung ten an mang a bang tuk.
Capoh!!!
1. Fala pakhat khal kha a
trawl tukih, a thinheng le a mah le amah a ti zum aw thei.
2. A dum tukih, a rualpi pawlin, “Ziangah ha na relh ring ring?” an ti.
3. An khua khal hi a cangkang tuk hrih lovih – an khua-ih two-wheeler (Bike tivek) nei hnakin tlangval thing ro put ding thei an uar sawn.
4. Hel (Tapung) pâwl pakhat tla kha an farah tukih, methal khal an nei lo,nunau pakhat kha an kidnap ve ih, mawca thu an hnim ter rero.
5. “Na thangkamah khan pahnih na âwk thei kem?” an tiih, “An kuah awk tla cun thei kei cu “a ti.
6. Tlangval pakhat tla kha camping-ah a lût ve ih, “Ziang ha na bang?” an tiih, “Chawtani leh an sa kha ka duh bik,” a ti.
7. Zawhte pakhat pawh khal hi zinghnam a dawi ciamco ih, Zinghnam cu a tlanih bur sungah a tlan lut, cui bur cu zu bur a rak siih, a ra suak leh cu ti caci in “shaala, khui saw zawhte kha” a run ti.
8. Tlawng saya: Rannungah ziang mi ha cak bik?
Nauhak: Cengkawl.
Tlawng saya: ‘Ziangah maw?
Nauhak: A leiin lungah a liak aw tâng thei.
9.A fapa nauta sawn tla hi a huatsuak tukih, a pa-i hnar keu ta lo cun a it that duh lo!
10. Bus accident khal kha an accident-nak kha a sang nasa ih. An tlak rero laiah khan passenger leh conductor-cun a driver an kawk kawk phah rero.
Ruah Ceen – JC Kip Ling/Klirlungz
Ruah Ceen
‘Rawlci
keuhnak ka si’ na ti men thei,
Na thawm ninum thlungdar awn ruallo vek;
Na suahkehnak tthal khawkheng ih kangmei,
A khu na sek , nikhaw nuam ding na hrek.
Ka thi a so, ka thlik sung tiang a ro,
Ka ruh a fep, ka thana in a hua;
Ruah hanh ka hngakhlap ih Pathian ka ko,
Ka thlacam hmuah’n siar na’ng khaw vei zakua.
Sun i vu te’n na sur, zanvar na ceen,
A tawk lo sawm? Ban zairel thlang ta hen.
Rimnam, a cui na thu lo cu! Sur law,
Na diriampi’n vun ceen hnik, khawfur aw.
Khuiha, Sol’mon luanglu ah nang vai mei
Vunnelrawn lamah va vai kengkhaw, kei.
Tu hnu ni reilote ah “Ruah Ceen” hi Kianghrol hin analysis a tuah dingih a tlun ih biazai hi thaten rak zoh sal cio uh…ziangtivekin Kianghrol in analysis a tuah ding?
Thank you for visiting CT
CaPoH
#Thikthu se pa
Pa pakhat thikthu se tuk khal kha an nu in nau pawhte a fawh lai kha, ‘ khatlam tham ter a tul sawm, na awl lo dg a rak ti vel.
#My name is also Khan
Shah Rukh Khan-ih film cannak- My Name is Khan tih film kha a hit nasa ih, Amir Khan khalin My Name is Also Khan tih film a can ve tum thu C.T. palai hnenah a sim.
#Doctor le Zu tama
Zu tama: “Doctor, ka kut hi a khur nasa tuk o, ziang ti tih dg ha si ke?
Doctor: ” Na zu in nasa tuk ruangah a lo tibuai si lo ke maw?
Zu tama :si lo, ka ti bung nasa thei tuk hin in tibuai sawn”
#Nupi upa
“Mai fapa nupi vun ru ve cu tiin a fapa room cu a vun awng cuh, ” Ai!! U Lian nang mah lam lam maw si.
#Mi farah tuk
Fifir -1 hin Inn-1ah thil fir dingin a lutih, Inn sung le Khan sung pawl cu tangka ruk ding a um le um lo hawlin thil cu a hai ciam co, cabu kar lak vek khal a kau thluh. Cu mi laifangah cun inn tekpa cun ihkhun parih it phahin, “Pate, hawl rero duh hlah, mitu ah kei tla ka hawl rero zovih ka hmu lovih curuangah si hi ka zau huah hi men , hmu sehla cun zu in dingin ka feh hlo zo ding” a rak ti. Fifir pa cun “Nan farah tuk aw” tiin an inn suah phahin a phun suat so.
#Dingih it that
Tleirawl-1 tla hi khual a tlawng ih, a thlennak tei nupa um tlang cu zanah phar awngin a bih, cu laifangah an pa cu zun thawh dingin a ra suak dukdi ih, a rak ralring man fawn si lovih, an phar hngoh san phahin a hngok aw ter ciam co.
#Tlangval tlawmngai
Tlangval pakhat khal hi a tlawmngai tukih,a fala len miin “mangtha aw” an tih khal le , “E! si lo e, kei chu a tul lo pi,a poi lo” a ti theu.
#Nauhak pakhat tla hi a rinum tukih:-
Tlawng saya, “Homework ti lo pawl ding auh,” a tiih an ding hai. Nauhak pakhat cu kawi nawnin a rak ding
Tlawngsaya:- “Kha nang kha, ziangna cang, na va ding kawi ve?”
Nauhak:- “Sayapa, a hrek lawng ka tiih, cunah,” tiin a rak sang.
#Mr. Polite
A ti polite aw tukih, sacramrent an run zem khallen a hmai leh a dungih to pawl a lak cem ringring.
#Nauhak Bal
Nauhak pakhat khal hi a nuin a bual khat tukih, a bal tuk lawmam ih, a taksa fai nak tham dingin cu a mit mu purh a tul!
#Tlangval Hmelsia
Tlangval pakhat khal kha a hmelse tukih, vawikhat cu Market-ah a feh, mi pawl cun cu pa cu “Tur Zuar” (Poison Seller) a si ke a, an rak ti hluah hlo.
#Pitar Huatsuak
Pitar pakhat tla kha Sande Sikul-ah a huat suak thei tukih, Beginner-ah an thrawn thla deih.
#Sacek
Sacek ii a cak tuk lawm mamih Caw dinglai taw a va fawp.
#Caw Hnawi
Zuri pakhat tla kha an hmuansak te’i caw hnawi a thuptei hung sawr a tumih, a pa kha a nu hmang tiin a zahmawh a hung pawk ngah, caw cun a rak khit ciam co.
#Bawkvak
Pa pakhat hin a fapa zuri ringring cu hitin a rak kawk ciamco” Na rung piangih kan lungawi zet.Na bawkvak theiih kan lungawi sin sin. Asinan na rung tlangvalih bawkvak-ih Inn na rung tlung hi cu kan lungawi lo khawp mai” tiin.
#Translator
Zu tama pakhat khal kha “Dont drink and drive’ tih mi kha Motor mawn laiah Zu in hlah, a bung pang ding, a uih um tiin a rak let deih.
- James Biakte
Capoh
# Fala pakhat thau zet hi pasal a nei zik i, a mo kawr hruh ding pho mi cu an inhnen te in “thosilen cu na sawm tel ding mi maw si an ti!
# Doctor pakhat hin damlo pakhat a check up i, “Thei rah tampi ei aw. Theirah khalah a hawng lam ei hi a hrisel, tampi pin ei theu aw a tih laiah cun dam lo cu arak mangbang tuk. “Ka pu, ka theirah duh bik mi cu coconut(Ungti) a si ih a hawng cu ei a va har awm ve a ti!
# Nuthlawi leh pathlawi, fa tampi nei zo veve an nei aw ih, fa an nei bet sal.
An Nu: “Pasal, na fa le ka fa an kawm aw ih, kan fate an kawm ve duh lo tiin a phun theu!
# Tlangval pakhat tla hi Churachanpur khaw kiangih khua pakhat- ‘Lamka’ hi a rak thei sual ve i, “Churachanpur kiangih khaw pakhat kha Sri Lamka maw si kha ? a ti vel.
# Pa pakhat tla hi a fimkhur tukih a, ca pawimawh a xerox tla hin a xerox copy cu spelling mistake a um leh um loh a check ring ring.
# ‘Nam hnakin Ball pen in thil a ti thei sawn tih thufim hi a dik le dik loh cu ka thei lo a sinan Nam sau hnakin Ball pen-ih ca ngan mi cu a fiang in siar a nuam sawn ka zum
Maths Thiam lo
A: Ka rual 4+5= hi ziang zat ha??
B: Tlawng ka kai sang lovih Maths lam ka thiam lo, in sut tam lo men aw.
A: Asile Zu lang -4 leh lang -5 kawm ziangzat?
B: (Rang zetin) lang-9 mawle.
A lang zawng cun thei tak a si.
Tlangval pakhat khal hi a ti thiangfai aw tuk ih, a vawih khal le a kut a khawlh theu.
Nauhak pakhat tla kha an exam ah a thiam lo tukih a kiangih to pa a kheuh nakah a kawr hmuah a tlek thluh.
Capoh
Caan na neih lai ah a tlun ih ca khi thaten siar awla, na tawn ve lo nak dingah ralring aw. Na hnihsuak tuk hman ah dimten hni aw…
——————————————————————————————————
Khawte pakhat ah biakinn khat rorin an khaw maw. An tet aw ngaingai; an thlan hri for rero. Culailakah voih thu tuk an thawh ngah pang. An zoh aw celcel. Zo sipei tiah an sut aw celcel. A thupten chairman hnenah an va sim. Charman pa a dingih “Zangfahnak ten mitu ih voih thawhtu kha laksawng kan pek duh ruangah laksawng ra la dingah kan sawm” tiah a ko.
Ruahlopin, laksawng ngah ding tete tiah pitar pakhat a ding vukvi mai. Cui pitar cun laksawng ngah ding tiah a lungawi zet si pei cu “Kei pitar voih, artidah nam vek men te hman in sunlawihsak ih ka lungawi tuk aw….hmailam can ahcun hihnak ih thuu deuh le ring deuh ih voih ka rak zuam ding ho khaw” a ti.
———————————————————————————–
An bawhlungsit caan a cem zikte. Fulltime an sit zo ih minit pakhat lawng a tang thlang. An manhlap tuk, an ttang tuk ruangah bawhlung khal hnaihnok an tiih a lengah suah ding in referee an sim thei.
Capoh
• Pitar pakhat tla hi a theihnak a tha vak nawn lo vih, a kiangih arpa khuang kha ‘ A!!, cuih arpa cu a haham vuangvo si maw a ti.
Tlawng saya: Banhla hi
mirang tongin ziang saw?
Tlawng ta: Banana
Tlawng saya: A sihle tumbu?
Tlawng ta: Banabu.
• Mawia khal kha Circus show a ti thiam aw ter tuk ih, “Tu ah kut tellovin Cycle ka run mawng ding ,” ” Tu ah ke pahnih tellovin”, a tlu ih , a ha pahnih a bal, ” tu ah ha pahnih tellovin ka run mawng leh ding..”
•
Sunday Sikul Zirhtu: ” Jesuh kaitute kha zote ha?”
Nauhak: ( A U zoh phahin, ” Ka U theih loh hnakin cu (Assam Rifle) ti men
ke.
• Liante tla kha ni khat cu a kut pahnih in a el dawm phahin zun a rak thawh, a inhnenpa cun” U Lian, ziangah saw kha ti vekih zun na thawh a hei ti ih, Liante cun,” Doctor in rit chawi aw hlah” in ti i a ti.
• Tlawngta nauhak pawl hnenah minung chi (race) hi ziang a si tiah an sayamah nu in a sut. Leitlun minung chi dang dang pawl cu : “Mi ngo, Mi dum, mirang, Mizo, Burma, Phung, Ramhuai, Cartoon, Lasi, Batman, Spiderman, Misual, Rukru, Setan leh a dang tla” tiin a sang
• Mautam ruangih ttam tuar pawl hrangah kan Chief Minister in foreign fangfai tha pawl CONDOLEEZA RICE(U.S. Secretary of State, 2005-09) cun a pe suak ding !!! Cun, Coffe tha chi KOFI ANNAN (Secretary-General U.N 1997 – 2006) khal.. a pe tel ding.
• Patum pi Davida in a sai thluk mi kha zo ha kha? A hmin cu ……..Go………… a si ih, Nauhak : Govinda !!!
Tlawng saya: Liana Arpi hi mirang tawngin ziangha? ‘
Liana: Hen
Tlawngsaya : A sih le Arte?
Liana: Chicken’,
Tlawngsaya: a sih le Caw pi
Liana: ‘Cow’..,
Tlawng saya: a sih le caw fate
Liana: ‘Cowken’ !
- Leitlun a ning tukih , ihkhun hnuaiah a relh mai.
- Nauhak: Ka Pa mipa hnakin nunau ziangah ah
ha an zun thawh awn a rin sawn?
Pa: Mipa hnakin an Silencer an neih tawi sawn ruangah fam teh.
Fala
Bible tlawngkai ra tlung khal kha mirang tong a thiam aw ter tukih..
Fala: Nu… a fanghum pawl hi ka delete thluh kem?
Nu: Ok. A Zaten delete thluh aw..
Pu Zawn Luai A tap NGAINGAI
Falam khuasung um dah pawl
cun Dawrhlun vengih Pu Zawn Luai cu kan thei thluh ko ding ka zum. Veikhat lai
ah..Pu Zawn Luai cu mithi hmun, khuahar inn ah a feh ve. Mithi ih taantakmi
pawl canghnap thawn an trap rero.
Culaklai ah Pu Zawn khal a tap ve. Mi in ziangah na trap ve tiah an sut ih, ” Ka ke zung ih hma mi nih in pal ih, a na tuk ruangah pan teh” tin a sawn hngai.
Ramsung Falam khua ih mail chatting awknak ih thuhla kan dawn daan ah; Pu Zawn Luai cu Cinmual tlanglam ah lamleng ih a feh hnu ah, Vankau tlang ah a so ih Aw na pi suah in a tap ciamco”, ziangah na trap tin an sut tikah… thangthar nonawn, mifim milian zate zikzik in Falam khua cu ek taan ih in taan ruangah ka lungleng le tuar a har ka ti ruangah, tutum cu thungai… KA TAP NGAINGAI’ asi tiah a sawn hngai tiah thuthang kan dawng.
Capoh
Capoh
- Tlangval pakhat cu zuri tukin a ra tin ih a pa in “ziangah zu na in ringring” a ti. A fapa cun “It’s my life” ati. A pa thinheng sosang cun “It’s my house” a tiih a hnawh suak.
- Airhostess pawl khi ngaisan tuk ding an si lo, tehkhinnak ah tui inn lak Bus pawl tla khi zam thei bangsehla conducter pawl khi Airhosetress vek an si mai ding.
- Pa pakhat cu a mit kaai tuk ih a ID mark-ahcun ” Left eye on the right eye” tin a ngan ih bet ah a ID dangah “Mole on the whole body” tin a ngan aw bet.
- Fala pakhat cu chane (caan remcang) a neih lai ah a vawih; a ningzak tukih a tlangvalpa in a dawi ciamco. A tlangvalpa cun “Hey Tharte rak ding aw, nang le kei hi puut tiin in then hlahseh” a ti.
- Pakhat pa hramlakah sa a bawh ve ih ziangsa khal an ra suak lo, a thinheng tuk “hmmmm nan punctual lo e mai” a tiih a tlun san.
- A pa hnenah an fapa nau tabik cun thu a sim. “Ka pa kan sayamah cu maw, Pathian mizet a si, i thusuhmi ka sim piang in ‘My God!’ ati ringring a ti.
- Rawlhmeh an neilo lawlaw, curuangah hmaisabikah rawl tum pipi in an barih cule neita ah te tak tete in an bar sal.
- Pa pakhat cu thilring/ (music) ring a ngai duhlo tukih a fapa in zingkhat cu tape ring tukin a rak phawn ih a thinheng tuk cun “Hey! Vibrate in ngai aw a ti.
- Sumpai a ren theituk, phone card hrimhrim a ren tuk, veikhat cu ruahlopin an inn a kang ih inn lengah a suak lohli ih fire department office a hei miscall.
- Pa pakhat thikthusia nei tuk cun an fapa pawhte hremmi cun a nu ih pawhte kehlam a tham sak ih athik.
- Fala le tlangval pakhat cu thlanmuan ah an khimi aw theu ih an khimi aw na deuh a si ding an theh ah falanu taw ah “Kan duhdawt zetmi kan pa kum 70” ti thlam a um
